დე-ექსტინქციის (გადაშენებული სახეობების აღდგენის) სტარტაპი Colossal Biosciences, რომელიც ცნობილია მამონტებისა და სხვა გადაშენებული ცხოველების გაცოცხლების ამბიციური გეგმებით, ახალი საინვესტიციო რაუნდისთვის ემზადება. Axios-ის ინფორმაციით, კომპანია 20-დან 30 მილიარდ დოლარამდე შეფასებით კაპიტალის მოზიდვას აწარმოებს მოლაპარაკებებს.
მიუხედავად იმისა, რომ პროექტი ხშირად ხდება კრიტიკის საგანი, Colossal-მა გასული წლის განმავლობაში შემოსავლების გენერირება დაიწყო. კომპანიის თანადამფუძნებელმა და CEO-მ, Ben Lamm-მა, ბიზნესის სამი ძირითადი მიმართულება გამოყო. მათ შორის არის კონსერვაციული ტექნოლოგიების მიწოდება სახელმწიფო სტრუქტურებისთვის, მათ შორის აშშ-სა და არაბთა გაერთიანებული საამიროებისთვის, რომელმაც კომპანიაში 60 მილიონი დოლარის ინვესტიცია განახორციელა.
Colossal-მა უკვე შექმნა სამი დამოუკიდებელი სტარტაპი: Breaking (პლასტმასის გადამუშავება), Form Bio (კომპიუტერული ბიოლოგიის პლატფორმა) და Astromech (AI-ზე დაფუძნებული პროგნოზირებადი მოდელირების კომპანია), რომლის ღირებულება მარტში 2 მილიარდ დოლარად შეფასდა.
კომპანიის სამომავლო გეგმები მოიცავს ხელოვნური საშვილოსნოს ტექნოლოგიის კომერციალიზაციას, რომელსაც პოტენციურად ადამიანის რეპროდუქციულ მედიცინაშიც გამოიყენებენ. გარდა ამისა, Colossal განიხილავს ბიომრავალფეროვნების კრედიტების ბაზარს, როგორც შემოსავლის გრძელვადიან წყაროს, რაც ნახშირბადის კრედიტების მსგავს მექანიზმს ეფუძნება.
ეს საინვესტიციო ნაბიჯი ხაზს უსვამს ღრმა ტექნოლოგიების (deep-tech), ლონჯევიტი-ტექნოლოგიებისა და ალტერნატიული ენერგეტიკის სექტორების მიმართ მზარდ ინტერესს გლობალურ ბაზარზე.
წყარო: techcrunch.com
