Anthropic-ის მიერ Claude Code-ის 2.1.88 განახლების გამოშვების შემდეგ, მომხმარებლებმა მალევე აღმოაჩინეს, რომ ის შეიცავდა ფაილს თავისი TypeScript კოდების ბაზით. გაჟონილი მონაცემები 512,000-ზე მეტ კოდის ხაზს შეიცავს და AI-ზე დაფუძნებული კოდირების ხელსაწყოს შიდა სამუშაო პროცესებზე მიუთითებს.
მომხმარებლები, რომლებმაც კოდი შეისწავლეს, აცხადებენ, რომ იპოვეს მომავალი ფუნქციები, Anthropic-ის ინსტრუქციები AI ბოტისთვის და ინფორმაცია მისი "მეხსიერების" არქიტექტურის შესახებ. აღმოჩენილ ფუნქციებს შორისაა Tamagotchi-ს მსგავსი შინაური ცხოველი, რომელიც ეკრანზე ჩანს და მომხმარებლის კოდირების პროცესზე რეაგირებს, ასევე "KAIROS" ფუნქცია, რომელიც მუდმივად ჩართული ფონური agent-ის შესაძლებლობებზე მიუთითებს. დეველოპერებმა ასევე წააწყდნენ Anthropic-ის ერთ-ერთი პროგრამისტის კომენტარს, რომელიც აღიარებს, რომ კოდის კონკრეტული ნაწილი ზრდის სირთულეს, თუმცა თავად არ არის დარწმუნებული, აუმჯობესებს თუ არა ის წარმადობას.
მიუხედავად იმისა, რომ Anthropic-მა პრობლემა მალევე გამოასწორა, მომხმარებლებმა კოდის კოპირება GitHub-ზე მაინც მოასწრეს, სადაც რეპოზიტორმა უკვე 50,000-ზე მეტი ასლი (fork) მოაგროვა. აღსანიშნავია, რომ Anthropic-მა Claude Code 2025 წლის თებერვალში ჩაუშვა და მან განსაკუთრებული პოპულარობა მოიპოვა მას შემდეგ, რაც მომხმარებლის სახელით დავალებების შემსრულებელი ფუნქციები დაემატა.
"დღეს ადრე გამოშვებული Claude Code მოიცავდა შიდა წყაროს კოდს. არანაირი სენსიტიური მომხმარებლის მონაცემი ან სერტიფიკატი არ გაჟონილა," აცხადებს Anthropic-ის წარმომადგენელი კრისტოფერ ნულტი. "ეს იყო ადამიანური შეცდომით გამოწვეული პრობლემა და არა უსაფრთხოების დარღვევა. ჩვენ ვნერგავთ ზომებს, რათა მსგავსი რამ აღარ განმეორდეს."
Gartner-ის AI ანალიტიკოსის, არუნ ჩანდრასეკარანის თქმით, მიუხედავად იმისა, რომ მსგავსი ინციდენტები შეიცავს რისკებს, ამ კონკრეტულმა ფაქტმა Anthropic-ისთვის უნდა იმოქმედოს როგორც სიგნალმა, რათა კომპანიამ მეტი ინვესტიცია განახორციელოს უკეთესი ოპერაციული სიმწიფის უზრუნველსაყოფად.
წყარო: theverge.com
