Apple-მა Siri-ს ისტორიაში ყველაზე მასშტაბური განახლება საჯარო ბეტა ვერსიის სახით გამოუშვა. iOS 27-ის საჯარო ბეტა მომხმარებლებს საშუალებას აძლევს, შემოდგომაზე დაგეგმილ ოფიციალურ რელიზამდე გამოსცადონ ხელოვნურ ინტელექტზე დაფუძნებული ახალი ასისტენტი.
ეს არის პირველი შემთხვევა, როდესაც Apple-ის AI-ზე დაფუძნებული Siri დეველოპერების გარდა, ფართო აუდიტორიისთვისაც ხელმისაწვდომია. მსოფლიოში 2.5 მილიარდი აქტიური მოწყობილობით, ეს ტესტირება Apple-ის პასუხი იქნება ისეთ კონკურენტებზე, როგორებიცაა ChatGPT, Gemini და Claude.
განახლებული Siri უფრო ღრმად არის ინტეგრირებული ოპერაციულ სისტემაში. ის წვდომას იღებს მოწყობილობაზე არსებულ ინფორმაციაზე, მათ შორის ელფოსტაზე, ფოტოებსა და შეტყობინებებზე. ასისტენტის გამოძახება შესაძლებელია როგორც ხმოვანი ბრძანებით, ისე Dynamic Island-ის მეშვეობით. გარდა ამისა, Siri ახლა ინტეგრირებულია Spotlight-ის საძიებო სისტემაშიც.
ტექნიკურ მხარეს რაც შეეხება, Siri AI ეყრდნობა Apple Intelligence-ს და ახალ Foundation Models-ს, რომლებიც მოწყობილობაზე ადგილობრივად მუშაობს ან Private Cloud Compute-ს იყენებს. Apple-მა ეს მოდელები Google-ის Gemini-სთან თანამშრომლობით შექმნა, თუმცა ისინი სპეციალურად Apple Silicon-ისთვის არის ოპტიმიზებული, რაც მონაცემთა კონფიდენციალურობას უზრუნველყოფს.
მიუხედავად იმისა, რომ ბეტა ვერსიები საკმაოდ სტაბილურია, Apple მომხმარებლებს სიფრთხილისკენ მოუწოდებს. თუ თქვენი მოწყობილობის შეუფერხებელი მუშაობა კრიტიკულია, უმჯობესია დაელოდოთ iOS 27-ის ოფიციალურ გამოსვლას, რომელიც სექტემბერშია დაგეგმილი.
წყარო: techcrunch.com
