გენერაციული AI ინსტრუმენტების, როგორებიცაა Suno და Udio, გამოჩენამ მუსიკის შექმნა ყველასთვის ხელმისაწვდომი გახადა. შედეგად, სტრიმინგ პლატფორმები მანქანური მუსიკით გადაივსო. Deezer-ის მონაცემებით, ატვირთული ტრეკების 34% სრულად AI-ის მიერ არის გენერირებული, რაც ინდუსტრიისთვის ახალ გამოწვევებს აჩენს.
როგორ რეაგირებენ პლატფორმები
სიტუაცია დღითიდღე რთულდება. Spotify-მ 12 თვეში 75 მილიონზე მეტი სპამ-ტრეკი წაშალა. ინდუსტრიის მოთამაშეების მიდგომები განსხვავებულია:
- Deezer: პირველი პლატფორმა, რომელმაც AI-კონტენტის დეტექციის სისტემა დანერგა და ასეთი ტრეკების 85%-ს მონეტიზაცია შეუჩერა.
- Spotify და Apple Music: უპირატესობას ანიჭებენ ნებაყოფლობით მარკირებას და გამჭვირვალობის ტეგებს. Spotify-მ ასევე წარადგინა პროექტი Verified by Spotify, რათა დაადასტუროს, რომ არტისტის უკან რეალური ადამიანი დგას.
- Qobuz და Bandcamp: Qobuz პირობას დებს, რომ კურაციისთვის AI-ს არ გამოიყენებს, ხოლო Bandcamp-მა სრულად აკრძალა AI მუსიკა.
მომხმარებელთა განწყობა
პლატფორმების მცდელობების მიუხედავად, საზოგადოებრივი აზრი უარყოფითია. The Hollywood Reporter-ის კვლევით, მსმენელთა 66% შეგნებულად არასდროს უსმენს AI-ით შექმნილ მუსიკას. 52%-ს კი არ სურს მოუსმინოს საყვარელ არტისტსაც კი, თუ ის AI-ს იყენებს. მკვლევარების აზრით, AI მუსიკას აკლია ექსპრესიული მიზანი და არ შეუძლია ემოციური კავშირის დამყარება.
რა იქნება მომავალში
AI ტრეკების რაოდენობა სტაბილურად იზრდება, თუმცა მათი მოსმენების სტატისტიკა — არა. მოსმენების უმეტესობა ფროდია. მიუხედავად ამისა, Spotify და Google არ ჩქარობენ AI-გენერირებული მუსიკის სრულად ამოღებას სარეკომენდაციო ალგორითმებიდან, რადგან ინდუსტრიის ბევრი პროფესიონალი AI-ს სამუშაო პროცესში უკვე აქტიურად იყენებს.
მომხმარებელთა დიდი ნაწილი ისურვებდა ღილაკს, რომელიც AI მუსიკას სრულად დამალავდა, თუმცა კომპანიები ამ ნაბიჯისგან თავს იკავებენ. სავარაუდოდ, მომავალში მუსიკაში AI-ის გამოყენება უფრო მეტად სპექტრი გახდება და მკაფიო ზღვარი გაქრება.
წყარო: theverge.com
