კალიფორნიის გუბერნატორმა გევინ ნიუსომმა ხელი მოაწერა შვიდ ახალ კანონს, რომლებიც მიზნად ისახავს AI მონაცემთა ცენტრების მიერ კომუნალური ხარჯების მოსახლეობაზე გადაკისრების პრევენციას. ახალი საკანონმდებლო პაკეტი კალიფორნიის საჯარო კომუნალური მომსახურების კომისიას ავალდებულებს, დააწესოს მონაცემთა ცენტრებისთვის ტარიფების ახალი კლასიფიკაცია და დააკისროს მათ ადგილობრივი ელექტროქსელებისა და წყალმომარაგების სისტემების მოდერნიზაციის ხარჯები.
კანონმდებლობა ასევე მოითხოვს, რომ მონაცემთა ცენტრების პროექტებმა ადგილობრივ ხელისუფლებას წარუდგინონ ინფორმაცია წყლის სავარაუდო მოხმარების, ენერგოეფექტურობისა და გვალვებთან გამკლავების გეგმების შესახებ. გარდა ამისა, კომპანიებმა უნდა დააკმაყოფილონ ენერგიის, წყლისა და საწვავის მოხმარების მკაცრი სტანდარტები, რათა ისარგებლონ პროექტების დამტკიცების გამარტივებული პროცედურით. პარალელურად, ნიუსომმა ხელი მოაწერა აღმასრულებელ ბრძანებას, რომელიც დააჩქარებს AI-ს „გამორთვის მექანიზმის“ (kill switch) შექმნას.
„სანამ ფედერალური ადმინისტრაცია დერეგულაციისკენ მიისწრაფვის, ადგილობრივი თემები მარტო რჩებიან ელექტროენერგიაზე გაზრდილი მოთხოვნის, ქსელების გადატვირთვისა და გარემოსდაცვითი გამოწვევების წინაშე“, — განაცხადა ნიუსომმა. „ამ კანონებით ჩვენ უზრუნველვყოფთ, რომ კალიფორნიელები დარჩნენ პროცესების მართვის სადავეებთან და მონაცემთა ცენტრებიდან მიღებული მოგება არ აისახოს მოსახლეობის ხარჯებზე.“
წყარო: theverge.com
