როდესაც Vessev-ის თანადამფუძნებელსა და აღმასრულებელ დირექტორს, ერიკ ლააკმანს ვკითხე, თუ როდის დავიწყებდით ფრენას, მან მიპასუხა: „ჩვენ უკვე დავფრინავთო“. საუბარია სტარტაპის მიერ შექმნილ ელექტრო ბორანზე, VS-9-ზე, რომელიც ჰიდროფოილის ტექნოლოგიას იყენებს.
ტრადიციული, 30-ფუტიანი ნავებისგან განსხვავებით, რომლებიც სიჩქარის მატებასთან ერთად წყალზე ხტუნვას იწყებენ, VS-9 წყლის ზედაპირს სცილდება. კატამარანის კორპუსის ქვეშ განთავსებული ფრთისებრი სტრუქტურები და კომპიუტერით მართვადი წყალქვეშა ფლაპები ნავს სტაბილურობასა და სიმსუბუქეს ანიჭებს. შედეგად, მგზავრობა უფრო მეტად სპორტული ავტომობილით მგზავრობას ჰგავს, ვიდრე ჩვეულებრივ ნაოსნობას.
Vessev-მა ელექტროძრავების წარმოება შიდა რესურსებით გადაწყვიტა, რაც კომპანიას ხარჯების ოპტიმიზაციაში ეხმარება. ჰიდროფოილის დიზაინი წყლის წინააღმდეგობას ამცირებს, რაც ელექტროძრავისთვის კრიტიკულად მნიშვნელოვანია, რადგან ენერგიის ყოველი კილოვატ-საათი ეფექტურად უნდა იქნას გამოყენებული. მიუხედავად იმისა, რომ ეს ტექნოლოგია ღია ოკეანისთვის ნაკლებად გამოსადეგია, ის იდეალურია მდინარეების, ტბებისა და ყურეებისთვის.
აგვისტოში 19 მილიონი დოლარის Series A რაუნდის დახურვის შემდეგ, Vessev ყურადღებას ურბანულ საზოგადოებრივ ტრანსპორტზე ამახვილებს. ლააკმანს მიაჩნია, რომ ელექტრო ჰიდროფოილები ქალაქებს საშუალებას მისცემს, შექმნან ეფექტური სატრანსპორტო კავშირები ახალი ინფრასტრუქტურის მშენებლობის გარეშე. სამომავლოდ, კომპანია გეგმავს არა მხოლოდ საკუთარი ბორნების წარმოებას, არამედ ელექტრო ჰიდროფოილის კომპლექტების მიწოდებას სხვა მწარმოებლებისთვის.
წყარო: techcrunch.com
