Meta-მ ოთხშაბათს დააანონსა თავისი პირველი მასშტაბური მოდელი მას შემდეგ, რაც CEO Mark Zuckerberg-მა გასულ წელს AI მიმართულება გადაახალისა და ახალი დანაყოფი, Meta Intelligence Labs შექმნა. მოდელი, სახელად Muse Spark, არის მნიშვნელოვანი ნაბიჯი Zuckerberg-ის "პერსონალური სუპერინტელექტის" ხედვისკენ, თუმცა ამჟამად ის closed source სახით დარჩება.
Zuckerberg-მა სოციალურ ქსელში აღნიშნა, რომ Meta-ს მთავარი მიზანია შექმნას AI პროდუქტები, რომლებიც "არა მხოლოდ უპასუხებენ კითხვებს, არამედ იმოქმედებენ როგორც აგენტები და შეასრულებენ დავალებებს თქვენ მაგივრად".
Muse Spark აშკარად სერიოზული განახლებაა Meta-ს წინა გამოშვების, Llama 4-თან შედარებით, რომელიც 2025 წლის აპრილში გამოვიდა და ტექნოლოგიურ ინდუსტრიაში გარკვეულწილად საშუალო შესაძლებლობების მქონე პროდუქტად შეფასდა.
Meta Muse Spark-ს ხელმისაწვდომს ხდის meta.ai-სა და Meta AI აპლიკაციის მეშვეობით. Llama-სგან განსხვავებით, ახალი მოდელი ჯერ არ იქნება ხელმისაწვდომი ჩამოსატვირთად, თუმცა კომპანია სამომავლოდ open-source ვერსიების გამოშვებასაც გეგმავს. Meta-ს შიდა ბენჩმარკების მიხედვით, Muse Spark რიგ დავალებებში უკეთეს შედეგებს აჩვენებს, ვიდრე OpenAI-ის, Anthropic-ის, Google-ისა და xAI-ის უახლესი მოდელები.
Artificial Analysis-მა, რომელსაც Muse Spark-ზე ადრეული წვდომა ჰქონდა, განაცხადა, რომ ახალი მოდელი ტოპ 5 საუკეთესო მოდელს შორისაა მათ მიერ გატესტილ სისტემებს შორის. Meta აღნიშნავს, რომ მოდელი natively მულტიმოდალურია — მას ტექსტთან ერთად სურათების, აუდიოსა და ვიდეოს დამუშავებაც შეუძლია. გარდა ამისა, იგი გამოირჩევა განვითარებული ლოგიკური მსჯელობისა და კოდირების ძლიერი შესაძლებლობებით.
მოდელი განსაკუთრებით დაიხვეწა სამედიცინო მიმართულებით, რისთვისაც Meta 1000-ზე მეტ ექიმთან თანამშრომლობდა. Zuckerberg-მა უზარმაზარი რესურსი დახარჯა AI-ის გასაძლიერებლად — მილიარდობით დოლარის ინვესტიცია ჩადო AI სტარტაპებში და კონკურენტებისგან ტოპ ინჟინრები გადმოიბირა. კომპანიამ ასევე გამოაქვეყნა უსაფრთხოების ახალი ჩარჩო (Advanced AI Scaling Framework), რომელიც ზე-ადამიანური შესაძლებლობების მქონე AI მოდელების მასშტაბირების პროცესს დაარეგულირებს.
წყარო: wired.com
