OpenAI-მ ხუთშაბათს დააანონსა სიახლე, რომელსაც აქტიური მომხმარებლები დიდი ხანია ითხოვდნენ: $100-იანი ყოველთვიური Pro გეგმა. აქამდე ხელმისაწვდომი იყო უფასო, $8-იანი Go, $20-იანი Plus და $200-იანი უმაღლესი გეგმები.
მიუხედავად იმისა, რომ OpenAI-ს ფასების გვერდზე $200-იანი ტარიფი დროებით არ ჩანს, კომპანიამ TechCrunch-თან დაადასტურა, რომ ის კვლავ აქტიურია.
ახალი ტარიფი პირველ რიგში ფოკუსირებულია ChatGPT-ის კოდირების ინსტრუმენტის, Codex-ის ყოველდღიურ გამოყენებაზე. $100-იანი Pro გეგმა მომხმარებლებს 5-ჯერ მეტ რესურსს სთავაზობს, ვიდრე ტრადიციული Plus ვერსია.
OpenAI არ მალავს, რომ ახალი საფასო პოლიტიკა პირდაპირი პასუხია Anthropic-ზე, რომელსაც დიდი ხანია აქვს $100-იანი ვარიანტი Claude-სთვის. კომპანიის წარმომადგენლის თქმით, სიახლე დეველოპერებს მეტ პრაქტიკულ შესაძლებლობებს აძლევს ინტენსიური სამუშაო სესიების დროს.
აღსანიშნავია, რომ 31 მაისამდე OpenAI $100-იან გეგმაზე სარეკლამო, კიდევ უფრო მაღალ ლიმიტებს აწესებს. მიუხედავად ამისა, არცერთი ტარიფი არ არის ულიმიტო. $200-იანი ვერსია Plus-თან შედარებით 20-ჯერ მეტ სიმძლავრეს გვთავაზობს პარალელური პროექტების უწყვეტი მხარდაჭერისთვის, თუმცა $100-იანი და $200-იანი გეგმების ძირითადი ფუნქციები იდენტურია და განსხვავება მხოლოდ ლიმიტებშია.
ოფიციალური მონაცემებით, Codex-ს გლობალურად უკვე 3 მილიონზე მეტი ადამიანი იყენებს ყოველკვირეულად, რაც ბოლო სამ თვეში 5-ჯერ გაზრდილი მაჩვენებელია.
წყარო: techcrunch.com
