სარისკო კაპიტალის ფირმა Andreessen Horowitz (a16z) აფუძნებს The Horowitz Andreessen Academy-ს, რომელიც მიზნად ისახავს სკოლადამთავრებული ახალგაზრდების მომზადებას, რომლებსაც უმაღლეს სასწავლებელში ჩაბარების ნაცვლად, ტექნოლოგიურ სფეროში კარიერის დაწყება სურთ.
აკადემიის სასწავლო პროგრამა მოიცავს როგორც ტექნიკურ მიმართულებებს, როგორიცაა AI კვლევები და მოდელები, ისე პრაქტიკულ უნარებს. სტუდენტებს შესაძლებლობა ექნებათ იმუშაონ საკუთარ პროექტებზე და მიიღონ მენტორობა ტექნოლოგიური ინდუსტრიის წამყვანი ფიგურებისგან. პირველი ნაკადი 50 სტუდენტისგან შედგება, რომელთა შერჩევაც მათი რეალური მიღწევებისა და შექმნილი პროდუქტების საფუძველზე მოხდება.
ამ ეტაპზე აკადემია არ არის აკრედიტებული და არ გასცემს დიპლომს, თუმცა 2028 წლისთვის დაგეგმილია ორწლიანი პროგრამის დანერგვა, რომელიც ფასიანი იქნება და ღირებულებით ელიტარულ კერძო უნივერსიტეტებს გაუტოლდება. პროექტის პარტნიორებს შორის არიან ისეთი გიგანტები, როგორებიცაა OpenAI, Nvidia, Google, Meta და Stripe, რაც კურსდამთავრებულებს დასაქმების უნიკალურ პერსპექტივას უქმნის.
ეს ინიციატივა წარმოადგენს ახალ ალტერნატივას ტრადიციულ უმაღლეს განათლებასა და სტარტაპ-სამყაროს შორის. იმ ფონზე, როდესაც AI-ის განვითარება ცვლის საწყისი დონის სამუშაო ბაზარს, აკადემია ცდილობს შეავსოს არსებული ვაკუუმი და ახალგაზრდებს ტექნოლოგიურ ინდუსტრიაში პირდაპირი გზა გაუხსნას.
წყარო: techcrunch.com
