Glean-მა, რომელსაც ხშირად „Google-ს კორპორაციებისთვის“ უწოდებენ, განაცხადა, რომ მისმა წლიურმა განმეორებადმა შემოსავალმა (ARR) 300 მილიონ დოლარს მიაღწია. ეს არის სამმაგი ზრდა სულ რაღაც 15 თვის წინ დაფიქსირებულ 100-მილიონიან ნიშნულთან შედარებით.
მიუხედავად იმისა, რომ ბევრი AI სტარტაპი სწრაფად იზრდება, Glean-ის პროგრესი განსაკუთრებულია. 7 წლის სტარტაპი ზრდას აჩქარებს იმ ფონზეც კი, როდესაც ბაზარზე ტექნოლოგიური გიგანტები — Google, Microsoft, OpenAI, Anthropic, Salesforce და Atlassian — საკუთარი ალტერნატიული პროდუქტებით შედიან.
„პირველი ოთხი-ხუთი წელი კონკურენტი არ გვყავდა,“ - განაცხადა Glean-ის აღმასრულებელმა დირექტორმა, Arvind Jain-მა. მისი თქმით, Glean-ის უპირატესობა კონტექსტის ღრმა გაგებაშია (context graph), რაც ხელოვნური ინტელექტის ინსტრუმენტებს კორპორაციულ პროგრამულ სისტემებთან ინტეგრაციით ეხმარება.
ეს მიდგომა კომპანიებს AI გამოთვლითი ხარჯების შემცირებაში ეხმარება. Glean-თან დაკავშირებისას, AI უფრო ნაკლებ ტოკენს მოიხმარს, რაც მნიშვნელოვნად ამცირებს ხარჯებს. ბიუჯეტების ოპტიმიზაციის პერიოდში, ტოკენების ეკონომია კომპანიის მთავარი უპირატესობა გახდა.
Glean, რომელიც ბოლო რაუნდის შემდეგ 7.2 მილიარდ დოლარადაა შეფასებული, მომხმარებლებს — მათ შორის Databricks, Reddit, Pinterest და Samsung — მოხმარებაზე დაფუძნებულ და ჰიბრიდულ საფასო მოდელებს სთავაზობს.
წყარო: techcrunch.com
