PlayStation 5-ისა და PS5 Pro-ს მთავარმა არქიტექტორმა, Mark Cerny-მ Digital Foundry-ს განუცხადა, რომ ML-ზე (მანქანურ სწავლებაზე) დაფუძნებული კადრების გენერაციის ტექნოლოგია სამომავლოდ „PlayStation პლატფორმებზე“ გამოჩნდება. ეს საშუალებას მისცემს კონსოლს, გამოიყენოს AI რეალურად დარენდერებულ კადრებს შორის ახალი კადრების წარმოსადგენად, რაც ქმნის უფრო გლუვ ვიზუალურ ხარისხს, თუმცა იწვევს გარკვეულ შეფერხებას (lag). PC პლატფორმაზე ამ ტექნოლოგიას ხშირად „ყალბ კადრებს“ უწოდებენ.
ჯერჯერობით გაურკვეველია, დაემატება თუ არა ეს ფუნქცია PS5 Pro-ს, რომელმაც ახლახან მიიღო გაუმჯობესებული AI upscaling-ი PlayStation Spectral Super Resolution (PSSR) ტექნოლოგიით, თუ მოგვიწევს PS6-მდე ლოდინი. Sony-მ უკვე დააანონსა, რომ მომავალი თაობა მოიცავს სპეციალიზებულ ray tracing აპარატურას, სახელწოდებით Radiance Cores.
Cerny-მ მანამდე აღნიშნა, რომ PS6 2027 წლამდე არ გამოვა, რაც სავარაუდოდ ML-ზე დაფუძნებულ კადრების გენერაციასაც ეხება. თუმცა, თუ PS6 დაყოვნდება, Sony-მ შესაძლოა არსებული PS5 Pro-ს მაქსიმალურად ათვისება სცადოს.
ეს არ იქნება კონსოლზე კადრების გენერაციის პირველი დანერგვა. PS5 უკვე გვთავაზობს AMD FSR3 ტექნოლოგიას ზოგიერთ თამაშში, თუმცა FSR3-ს არ აქვს მანქანური სწავლების (ML) მხარდაჭერა. ის რეალურ კადრებს შორის ინტერპოლაციას ახდენს, ნაცვლად იმისა, რომ AI-მ დააგენერიროს ახალი დეტალები.
Nvidia და AMD აღნიშნავენ, რომ კადრების გენერაცია არ არის დაბალი frame rate-ის პრობლემის გადაჭრის გზა, რადგან ტექნოლოგიის გამართულად სამუშაოდ თავდაპირველად შედარებით სტაბილური სიხშირეა (FPS) საჭირო.
წყარო: theverge.com
