კრიპტოვალუტები, როგორიცაა ბიტკოინი და ეთერიუმი, სულ უფრო და უფრო პოპულარული ხდება ბოლო წლებში. პოპულარობის ზრდასთან ერთად ბევრმა დაიწყო კრიპტოთი ფულის გამომუშავების გზების ძებნა. იმისათვის, რომ ცხოვრება, კურატორი ამ სტატიაში გიამბობთ შვიდ გზას, რომლითაც შეგეძლებათ ფულის გამომუშავება კრიპტოვალუტით. მოდით დავიწყოთ.
მეთოდი 1. კრიპტოში ინვესტირება, ანუ კრიპტოს ყიდვა და შენახვა
კრიპტოვალუტით ფულის გამომუშავების ერთ-ერთი ყველაზე მარტივი გზაა ყიდვა და მისი შენახვა გრძელი ვადით, იმ იმედით, რომ მისი ღირებულება გაიზრდება. თუმცა, ეს სტრატეგია არის რისკის მომცველი, რადგან კრიპტოვალუტების ფასები მეტად არასტაბილურია. ერთ-ერთი გზა რისკის შესამცირებლად კრიპტო აქტივების პორტფელის დივერსიფიკაცია და გრძელვადიანი საინვესტიციო სტრატეგიის გაწერაა.
მეთოდი 2. კრიპტოვალუტით ვაჭრობა, ანუ თრეიდინგი
კრიპტოთი ფულის გამომუშავების კიდევ ერთი გზა მათი ბირჟაზე ვაჭრობაა. ეს გულისხმობს ბირჟაზე კრიპტოვალუტების ყიდვას და გაყიდვას წინასწარ განსაზღვრული სავაჭრო სტრატეგიის მიხედვით, ფასის ცვლილებიდან მოგების მიღების იმედით. ვაჭრობა რისკიანია, მაგრამ შეიძლება იყოს მომგებიანი, იმ შემთხვევაში თუ შენ გაქვს ცოდნა და უნარები აქტივებით სწორად ვაჭრობისთვის.
მეთოდი 3. კრიპტოვალუტების მოპოვება, ანუ მაინინგი
თუ ერკვევი ტექნოლოგიებში, შენ შეგიძლია დაიწყო კრიპტოს გამომუშავება მაინინგით. მაინინგი ეწოდება კრიპტო ტრანზაქციების დამოწმების პროცესს. ამ პროცესის დროს ყოველი ახალი ბლოკის აღმოჩენისას იქმნება რამდენიმე ახალი ბიტკოინი და ახლად გამოშვებული კრიპტოვალუტა საჩუქრად ეძლევა მაინერს (კომპიუტერს), რომელმაც პირველმა იპოვა და დაამოწმა ბლოკი. მაინინგისთვის დაგჭირდება ძლიერი კომპიუტერი (ASIC მაინერი), რაც საკმაოდ ძვირია და დიდ ელექტრო ენერგიას მოიხმარს. მაინინგი ყოველთვის მომგებიანი არ არის, მაგრამ სწორი სტრატეგიით შეგიძლია ამ ფულის მანქანით დიდძალი თანხა გამოიმუშაო.
მეთოდი 4. დაასტეიკე კრიპტო, ანუ კრიპტო სტეიკინგი
შესაძლოა უკვე იცი, რომ არსებობს ორი გავრცელებული ბლოკჩეინის ნაირსახეობა. Proof of Work – მაგალითისთვის ბიტკოინის ბლოკჩეინი, და Proof of Stake – მაგალითად ეთერიუმის ბლოკჩეინი. თუ მაინინგი მხოლოდ PoW (Proof of Work) კოინებზე ხდება, სტეიკინგი დანარჩენ PoS (Proof of Stake) ვალუტებზე ხდება. სხვა სიტყვებით რომ ვთქვათ, ზოგიერთი კრიპტოვალუტის ბლოკჩეინი გვთავაზობს ჯილდოს მოპოვების შესაძლებლობას თქვენი მონეტების დასტეიკებით. ეს გულისხმობს კრიპტოვალუტის გარკვეული რაოდენობის შენახვას სპეციალურ საფულეში და ქსელში მონაწილეობას ტრანზაქციების დამოწმებით. რაც უფრო მეტ კრიპტოს დაასტეიკებთ დიდი ხნით, მით უფრო მეტ ჯილდოს მიიღებთ.
მეთოდი 5. კრიპტოს გასესხება, ანუ კრიპტო ლენდინგი
კრიპტოთი ფულის გამომუშავების კიდევ ერთი გზა მისი გასესხებაა. არსებობს პლატფორმები, რომლებიც გაძლევენ საშუალებას გაასესხოთ თქვენი კრიპტო გარკვეული პროცენტის სანაცვლოდ, ისევე როგორც ტრადიციულ ბანკში ეროვნული ვალუტის გასესხებისას. ფულის გამომუშავების ეს მეთოდი მარტივი და პასიურია, თუმცა, სესხის გაცემა შეიძლება იყოს სარისკო. ბოლო რამდენიმე წლის განმავლობაში არაერთი კრიპტოს მსესხებელი კომპანია გაკოტრდა და მომხმარებლები აზარალა. ასე რომ, ფულის გასესხებამდე დარწმუნდით, რომ კრიპტოს მხოლოდ სანდო მსესხებლებს ასესხებთ.
მეთოდი 6. ნადირობა ეარდროპებზე
და ბოლოს, კრიპტოთი ფულის გამომუშავების ყველაზე არასტაბილური მეთოდი. შენ შეგიძლია დიდძალი ფულის გამომუშავება კრიპტოვალუტის ეარდროპებზე ნადირობით. Airdrop ნიშნავს კრიპტო პროექტის მიერ უფასო ტოკენებს ჩუქებას თავისი ადრეული მომხმარებლებისთვის. Airdrop-ში მონაწილეობის მისაღებად, თქვენ უნდა გქონდეთ ციფრული საფულე, რომელიც თავსებადია მოცემულ კრიპტოვალუტასთან. დროპის მისაღებად თქვენ უნდა მიჰყვეთ პროექტის მიერ მოწოდებულ ინსტრუქციებს (თუ წინასწარ არის ცნობილი), რომელიც შეიძლება მოიცავდეს გარკვეული ამოცანების შესრულებას ან კრიპტოვალუტის გარკვეული რაოდენობის გარკვეული დროით შენახვას, ანდა გამოიყენოთ პროექტის პროდუქტი გამოშვებიდან რაც შეიძლება მალე.
დასკვნა
ესეც ასე, მოდით შევაჯამოთ. კრიპტოს საშუალებით ფულის გამომუშავების რამდენიმე გზა არსებობს, მათ შორის ყიდვა-შენახვა, ვაჭრობა, მაინინგი, სტეიკინგი, გასესხება და ეარდროპებზე ნადირობა. თითოეულ მეთოდს აქვს თავისი დამახასიათებელი რისკი, რისთვისაც მნიშვნელოვანია, რომ ინვესტიციამდე ჩაატაროთ საკუთარი კვლევა და გაერკვიოთ პოტენციურს რისკებში. ასევე მნიშვნელოვანია მოახდინოთ თქვენი კრიპტო პორტფელის დივერსიფიკაცია და საინვესტიციო სტრატეგიის განსაზღვრა. ბაზრის სიახლეების საქმის კურსში ყოფნით კი შეგიძლიათ მაქსიმალურად გაზარდოთ თქვენი წარმატების შანსები.
წაიკითხე მეტი კრიპტოების შესახებ კურატორზე, იმისათვის, რომ სხვებზე მუდამ ერთი ნაბიჯით წინ იყო. თუ ეს სტატია მოგეწონა, გაუზიარე მეგობრებს, და არ დაგავიწყდეს სიახლეების გამოწერა, რომ პირველმა გაიგო მნიშვნელოვანი კრიპტო სიახლეები!
